الأسرى الفلسطنييون... إلى متــــــــــــــــــــــى؟؟؟؟؟؟؟؟؟

>

السلام عليكم ورحمة الله وبركاته
صلوا على رسول الله.. صلى الله عليه وسلم

يا جماعه أنا في شي مش قادره أفهمه
ولا عم بقدر أفهمه
وما أتوقع رح أقدر أفهمه!!!!

معقول الصمت الدولي العالمي على قضية الأسرى الفلسطينيين في السجون الإسرائيليه يوصل لهالمرحله؟
صراحه هاد صار إسمه انخراس دولي مش صمت دولي!!
وبعتذر على هالتعبير بس عنجد الموضوع أكبر من ما بنتخيل بكتير ..

يا جماعه حد شاف اليوم على قناة الأقصى التقرير اللي عن الأسرى؟!
حد بيقدر يصدق إنه في أسرى فلسطينيين محكومين 300 سنه وفي 500 سنه!!
اتخيل للحظه وحط حالك مكان الأسير وحس بإحساسه بإنه ما رح يقدر يطلع إلا بعد 500 سنه!!
اتخيلوا شو شعور الأم بس تتذكر إنه ابنها ما رح يطلع من الأسر إلا بعد 500 سنه!!
شو شعور الأم بس تتذكر إنها ما رح تقدر تحضنه إلا بعد 500 سنه !!!!
اتخيلوا شعور الزوجه بس تتذكر إنها ما رح تشوف زوجها إلا بعد 300 سنه!!
معقول الحكومه الإسرائيليه عم تستخف فينا وتطعن فينا بإنها عم بتحط أرقام خياليه لعدد سنوات الأسر؟؟؟؟
لا وبيمنعوا أهالي الأسرى يشوفوهم مرات
إذا مش غالبا أو دائما !!
وهاد غير عن العذاب النفسي اللي بواجهوه في السجن
وهاد غير الأمراض اللي بتصيبهم في السجن

ولا الأسيرات اللي عم بقضوا هالعمر بالسجن؟؟!!
اللي كبرت بهالسجن
واللي خلّفت بهالسجن
واللي واللي واللي

ما رح أسأل عن دور الشعوب لإنه الشعوب ما بيطلع بإيديها لو شو ماعملت
لسا بدمشق عملوا هالفتره مظاهره لقضية الأسرى...

بس السؤال هو:
ليش هالإنخراس الدولي العالمي على قضية مهمه وإنسانيه متل قضية الأسرى والأسيرات الفلسطينيين والفلسطينييات؟؟
وين المنظمات الحقوقيه؟؟
وين جامعة الدول العربية؟
وين هيومن رايتس.. ولاّ أنيمال رايتس.. ولا بطيخ رايتس؟؟
وين اللي بحسّوا وعندهم قلب؟؟

يا جماعه أعذروني على حدة كلامي
بس الموضوع بخلي الواحد يفور !!
وأنا آسفه عالعموم
وما تنسوا تدعوا للأسرى بصلواتكم
والسلام عليكم ورحمة الله وبركاته

__________________

من فضلك اضغط هنا

صلوا على رسول الله
صلى الله عليه وسلم

أستغفر الله العظيم الذي لا إله إلا هو الحي القيوم وأتوب إليه

(( ... وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ ))
[الأنفال: 33]

الله يفرج على كل فلسطيني و على كل مظلوم ياااارب

موضوع مؤثر جدا شكرا لطرحه

» أسيـر مُحرر: الأسرى يعيشون أوضاعـاً سيئة بكل معنى الكلمة ..